Martin Keown, fyrrum leikmaður Arsenal, telur sig vita af hverju Aaron Ramsey er á leið til Juventus í sumar.

Ramsey mun ganga frítt í raðir Juventus í júlí en hann fékk ekki nýjan samning hjá Arsenal.

Keown telur að peningarnir sem Arsenal eyddi á síðasta ári sé ástæðan fyrir því að það sé ekki hægt að borga Ramsey þau laun sem hann vill.

Hann nefnir leikmennina Pierre-Emerick Aubameyang og Alexandre Lacazette sem kostuðu yfir 100 milljónir punda.

,,Ef Arsenal er að viðurkenna það að þeir geti bara fengið leikmenn á láni þá er það ótrúlegt að þeir leyfi einum af sínum mikilvægustu leikmönnum að fara frítt,“ sagði Keown.

,,Ramsey hefur komið vel fram á þessu tímabili en það er ótrúlegt að Arsenal hafi ekki getað sett saman launapakka til að halda honum.“

,,Liðið er ennþá ógnandi fram á við. Pierre-Emerick Aubameyang og Alexandre Lacazette eru nógu góðir til að spila fyrir hvaða topp sex lið sem er.“

,,Þeir eyddu þó 100 milljónum punda í þessa tvo leikmenn og eftir að hafa gefið öðrum leikmönnum risalaun þá er staðan þessi í dag.“