Maurizio Sarri, stjóri Chelsea, viðurkennir það að vængmaðurinn Willian gæti verið á förum annað í janúar.
Willian var í gær orðaður við spænska félagið Barcelona sem er talið hafa mikinn áhuga á að semja við leikmanninn.
Chelsea gæti fengið hinn Malcom á móti Willian og viðurkennir Sarri að það sé ekki ómögulegt að Brassinn fari annað.
,,Auðvitað myndi það ekki gera mig ánægðan því eins og þið vitið þá eru vængmenn mjög mikilvægir fyrir okkur,“ sagði Sarri.
,,Ég tel að hann geti gert betur því hann er með meiri gæði. Hann er mjög mikilvægur fyrir okkur en það er mögulegt að missa hann í janúar.“