Mohamed Salah, leikmaður Liverpool, var á dögunum valinn leikmaður ársins í Afríku, annað árið í röð.
Salah tók á móti verðlaununum sjálfur og steig í kjölfarið léttan dans sem vakti athygli.
Roberto Firmino, liðsfélagi Salah, sá dansinn og hafði mjög gaman að þó að hann hafi ekki verið hrifinn.
Salah þótti vera nokkuð vandræðalegur á sviðinu og hefur eflaust fengið að heyra smá grín á æfingasvæðinu.
,,Ég sá þetta á netinu. Ég vil óska honum til hamingju með verðlaunin annað á árið í röð,“ sagði Firmino.
,,Já ég sá líka að þeir reyndu að fá hann til að dansa. Hann reyndi en ég held að þetta sé ekki hans besta hlið!“