Barcelona fær nú símtöl þess efnis um að Neymar vilji ólmur snúa aftur til félagsins, eftir tæplega tveggja ára dvöl hjá PSG.
PSG borgaði 222 milljóna evra klásúlu Neymar sumarið 2017 en nú vill Neymar fara aftur.
El Mundo segir að Neymar hafi haft samband við stjórnarmenn Barcelona á síðustu mánuðum.
Hann vill að félagið kaupi sig aftur en í Barcelona leið honum betur en honum líður í París.
Sagt er að Neymar hafi notað síma pabba síns til að ná í Josep Maria Bartomeu, forseta Barcelona. Sagt er að hann hafi tekið vel í þá hugmynd að fá Neymar aftur.
Spænskir miðlar segja að Barcelona gæti selt Philippe Coutinho til að fjármagna kaupin.