Kristófer Ingi Kristinsson átti frábæran leik fyrir lið Willem í dag sem mætti Borussia Dortmund í æfingaleik.
Kristófer er aðeins 19 ára gamall og er talinn mikið efni en hann hefur fengið að spila með aðalliði Willem.
Íslendingurinn skoraði bæði og lagði upp fyrir Willem í leiknum en leikurinn tapaðist 3-2.
Dortmund stillti upp varaliðinu í þessum leik en fjölmargir ungir leikmenn fengu tækifæri.
Kristófer hefur fengið nokkur tækifæri á tímabilinu og vonandi verða þau fleiri eftir flotta frammistöðu í dag.