Chelsea á Englandi hefur selt miðjumanninn Cesc Fabregas til Monaco en þetta var staðfest í dag.
Fabrewgas hefur undanfarin fjögur ár spilað með Chelsea og vann deildina tvisvar á Stamford Bridge.
Spánverjinn spilaði alls 198 leiki fyrir þá bláu og skoraði 22 mörk. Hann var lengi fastamaður á miðjunni.
Eftir fá tækifæri á þessu tímabili samþykkti Chelsea að selja leikmanninn og fer hann í frönsku úrvalsdeildina.
Fabregas mun vinna með Thierry Henry hjá Monaco en hann er þjálfari liðsins. Þeir voru saman hjá Arsenal á sínum tíma.
