Manchester United er í viðræðum við þrjá leikmenn um að framlengja samning þeirra á Old Trafford.

ESPN greinir frá þessu í kvöld en nokkrir leikmenn liðsins verða samningslausir í sumar.

Miðað við fréttir kvöldsins þá er United að ræða við þá Ashley Young, Ander Herrera og Juan Mata.

United er sagt hafa áhuga á að framlengja við leikmennina sem mættu annars fara frítt næsta sumar.

Þeir þrír mega ræða við önnur félög í janúar og skrifa undir en félagaskiptin myndu ganga í gegn í sumar.

Mata og Herrera hafa verið orðaðir við brottför en Athletic Bilbao vill fá Herrera í sínar raðir aftur.