Michy Batshuayi, leikmaður Chelsea á Englandi, er að snúa aftur til félagsins eftir dvöl á Spáni.
Þetta staðfesti yfirmaður knattspyrnumála Valencia, Mateu Alemany í dag er hann ræddi við blaðamenn.
Belgíski framherjinn hefur verið í basli á Spáni og hefur aðeins gert tvö mörk í 23 leikjum.
Hann stóð sig vel með Borussia Dortmund á síðustu leiktíð og skoraði þar sjö mörk í 10 leikjum.
Marcelino, stjóri Valencia, er kominn með nóg af Batshuayi sem virðist ekki vera nógu ógnandi fram á við.
Hann er því á leið aftur til Chelsea en hvort hann fái hlutverk þar verður að koma í ljós.