Rúrik Gíslason, leikmaður Sandhausen í Þýskalandi, var í byrjunarliði liðsins í dag.
Nú er í gangi vetrarfrí í Þýskalandi og hafa lið þar í landi verið að fara í æfingaferðir víðsvegar um Evrópu.
Rúrik og félagar mættu tyrknenska félaginu Antalyaspor í dag og vann liðið sannfærandi sigur.
Sandhausen hafði að lokum betur með þremur mörkum gegn engu og skoraði Rúrik fyrsta mark leiksins.
Þetta var fyrsta mark Rúriks árið 2019 og vonandi fyrir okkar mann verða þau mun fleiri á næstu mánuðum.