Marko Arnautovic, leikmaður West Ham á Englandi, vill yfirgefa félagið en þetta segir bróðir hans og umboðsmaður, Daniel Arnautovic.
West Ham hafnaði tilboði frá kínverska félaginu Shanghai SIPG í gær sem hljóðaði upp á 35 milljónir punda.
West Ham keypti framherjann fyrir 20 milljónir punda og er hann einn allra mikilvægasti leikmaður liðsins.
,,West Ham fékk nú frábært tilboð, þetta er næstum tvöfalt það sem þeir borguðu fyrir hann,“ sagði Daniel við TalkSport.
,,Hann vill reyna fyrir sér á nýjum markaði og vinna titla. Það er það sem hann vill.“
,,Það sem hann vill mest er að West Ham samþykki tilboðið frá Kína.“