Unai Emery, stjóri Arsenal, segir að hann geti ekki keypt leikmenn til liðsins í þessum mánuði.
Emery fær ekki fjármagn til að kaupa leikmenn endanlega en gæti þó notað lánssamninga.
Denis Suarez, leikmaður Barcelona, er sterklega orðaður við félagið en hann kæmi þá út tímabilið.
,,Við getum ekki borgað fyrir leikmenn. Við getum aðeins fengið leikmenn á láni,“ sagði Emery.
,,Ég veit ekki hvernig staðan með Suarez er en það er ljóst að við getum bara fengið lánsmenn.“
,,Ég veit að félagið er að reyna að finna leikmenn sem geta hjálpað okkur. Ég þekki þessa leikmenn og þeir eru mjög góðir.“
