Marcelino, stjóri Valencia á Spáni, er kominn með nóg af þeim sem spila í fremstu víglínu hjá félaginu.
Marcelino sá sína menn tapa 2-1 gegn Sporting Gijon í gær en leikið var í spænska bikarnum.
Michy Batshuayi spilaði fremstur hjá Valencia en hann fór illa með nokkur góð færi í viðureigninni.
Hann er í láni hjá félaginu frá Chelsea en gæti nú verið sendur aftur til baka eftir reiðiskast Marcelino í gær.
,,Ég held að við þurfum að fá framherja inn. Þolinmæðin er á þrotum þegar kemur að ákveðnum aðilum,“ sagði Marcelino.
,,Við gátum komist yfir á fyrstu mínútu. Þetta var besta færi sem ég hef séð okkur skapa í sex mánuði.“
,,Ef þú getur ekki náð skoti á markið þá ertu ekki nógu góður til að spila fyrir Valencia í úrvalsdeildinni.“