Eden Hazard, leikmaður Chelsea, þarf að koma sér burt frá félaginu í sumar.

Þetta segir Jermaine Jenaes, fyrrum leikmaður Tottenham en hann horfði á Belgann spila í gær.

Chelsea og Tottenham mættust í enska deildarbikarnum en Tottenham hafði betur með einu marki gegn engu.

Jenas er mjög hrifinn af Hazard sem leikmanni en telur að hann sé of góður fyrir Chelsea.

,,Það var ekki hægt að spila við hann á köflum. Ég sagði í lýsingunni að hann væri of góður fyrir Chelsea,“ sagði Jenas.

,,Chelsea er augljóslega topp, topp félag en hann er orðinn of stór fyrir þá. Miðað við aðra í liðinu.“

,,Hann þarf að koma sér annað. Hann er í öðrum gæðaflokki en leikmennirnir sem hann spilar með.“