Það er ekki auðvelt fyrir alla að standa sig vel hjá stórliði eins og Barcelona þar sem væntingarnar eru miklar.

Það er hægt að segja um framherjann Paco Alcacer sem samdi við Barcelona frá Valencia árið 2016.

Hann spilaði aðeins 23 deildarleiki fyrir Börsunga á tveimur árum og komst í raun aldrei í byrjunarliðið.

Hann skrifaði undir samning við Dortmund í byrjun ágúst og var lánaður þangað út tímabilið.

Alcacer hefur staðið sig frábærlega í Þýskalandi og samþykkti Dortmund að kaupa hann endanlega fyrir 20 milljónir punda.

Alcacer er markahæsti leikmaður þýsku Bundesligunnar með 12 mörk ásamt Luka Jovic hjá Fankfurt.

,,Síðan ég kom til Borussia Dortmund þá líður mér loksins eins og ég sé mikilvægur á ný,“ sagði Alcacer.

,,Ég spilaði mjög lítið í Barcelona síðustu tvö ár og þess vegna skil ég það að ég fái ekki að byrja alla leiki.“

,,Allir knattspyrnumenn vilja fá að spila. Ég er ekki ánægður á bekknum en ef við erum að ná frábærum árangri þá er það í lagi.“