Valur samdi í dag við miðjumanninn Lasse Petry en hann kemur til félagsins frá Lyngby.

Petry spilaði lengst með Nordsjælland í Danmörku og lék með nokkrum Íslendingum þar.

Hann heyrði aðeins í þeim hljóðið áður en hann ákvað að taka skrefið til landsins.

,,Það var spennandi að fá símtalið. Ég þekkti íslenska boltann ekki of vel og ég talaði við marga leikmenn frá Íslandi sem ég hef spilað með áður,“ sagði Petry.

,,Þeir töluðu vel um landið og deildina. Ég spilaði með Rúnari Alexi Rúnarssyni, Guðmundi Þórarinssyni og Adami Erni Arnarsyni.“

,,Þeir sögðu mér aðeins um deildina og um Val. Ein af ástæðunum af hverju ég kom hingað er til að vinna deildina og komast eins langt og mögulegt í Evrópu.“

,,Ég er miðjumaður sem vill hafa boltann. Ég vil gefa sendingar og stjórna leiknum.“