Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn hefur lokað en það er sammt allt fullt af sögum enda hætta erlend blöð aldrei að grafa upp sögurnar sem fljúga.

Hér má sjá pakka dagsins.

Gareth Southgate, landsliðsþjálfari Englands, er ekki að flýta sér að skrifa undir nýjan samning þó að hann muni fá væna launahækkun. (Times)

John Terry, fyrrum leikmaður Chelsea, segist ekki vera hættur og er með þrjú eða fjögur tilboð á borðinu. (Mail)

Barcelona og Chelsea eru að skoða hinn 15 ára gamla Harvey Elliot sem spilar með Fulham. (London Evening Standard)

Liverpool hefur engan áhuga á að semja við Adrien Rabiot, leikmann Paris Saint-Germain þrátt fyrir sögusagnir um það. (Echo)

Stuðningsmenn Leicester City vilja að stúka verði skírð í höfuðið á fyrrum þjálfara liðsins, Claudio Ranieri en liðið vann deildina undir hans stjórn. (Leicester Mercury)

Bojan Krkic, fyrrum leikmaður Stoke og Barcelona er á óskalista Red Star Belgrade í Serbíu. (Sport)