Íslenska karlalandsliðið spilaði mjög illa í dag er liðið mætti Sviss í Þjóðadeildinni en fyrsta umferð fór fram.
Ísland var að spila sinn fyrsta leik frá því á HM í sumar þar sem við duttum úr leik í riðlakeppninni.
Einnig var þetta fyrsti leikur Erik Hamren sem landsliðsþjálfari en hann tók við af Heimi Hallgrímssyni í sumar.
Ísland tapaði leiknum 6-0 í Sviss og er þetta stærsta tap liðsins í heil 17 ár sem er ótrúleg staðreynd.
Ísland tapaði síðast 6-0 árið 2001 er liðið spilaði við Dani í undankeppni HM. Þá var metnaðurinn ekki mikill í liðinu.
Það er óhætt að segja að Íslendingar hafi áhyggjur af þessari frammistöðu en Sviss á alls ekki að vera svona mikið sterkara lið.