Gylfi Þór Sigurðsson, landsliðsmaður, verður í byrjunarliði Íslands í dag sem mætir Sviss í Þjóðadeildinni.
KSÍ hefur staðfest það en Gylfi mun bera fyrirliðaband Íslands þar sem Aron Einar Gunnarsson er meiddur.
,,Gylfi Þór Sigurðsson fagnar afmæli sínu í dag með því að bera fyrirliðaband Íslands gegn Sviss,” stóð í færslu KSÍ.
Gylfi þekkir það vel að hafa bandið en hann fagnar 29 ára afmæli sínu í dag.
Aron Einar hefur undanfarin ár verið fyrirliði liðsins en ekki er víst hvenær hann getur snúið aftur á völlinn.
Vonandi fyrir Gylfa og aðra Íslendinga verður frammistaðan góð í dag en við óskum miðjumanninum innilega til hamingju með daginn.
? Gylfi Sigurdsson celebrates his birthday today by captaining Iceland against Switzerland. #fyririsland pic.twitter.com/A01SBlNLYs
— Knattspyrnusambandið (@footballiceland) 8 September 2018