Það furðuðu sig margir á því í síðustu viku þegar Cristiano Ronaldo var ekki kjörinn besti leikmaður Meistaradeildarinnar á síðustu leiktíð.
Ronaldo skoraði 15 mörk þegar Real Madrid vann Meistaradeildina, þriðja árið í röð.
Ronaldo fór frá Real Madrid til Juventus í sumar en það var Luka Modric, hans gamli liðsfélagi sem vann verðlaunin.
Ronaldo hefur gríðarlegt keppnisskap og vill vinna öll verðlaun en hann var ekki pirraður eftir þetta.
,,Hann sendi mér skilaboð og óskaði mér til hamingju með verðlaunin,“ sagði Modric.
,,Hann sagðist gleðjast fyrir mína hönd og að ég ætti þessi verðlaun skilið.“