Patrick Pedersen, leikmaður Vals, er markakóngur Pepsi-deildarinnar árið 2018. Hann skoraði 17 mörk á tímabilinu.
Við ræddum við Patrick eftir 4-1 sigur Vals á Keflavík í dag og var hann afar ánægður með gullskóinn og Íslandsmeistaratitilinn.
,,Þetta er mjög góð tilfinning. Þetta er besta tilfinningin, að fá bikarinn og ég fékk gullskóinn svo ég er ánægður,“ sagði Patrick.
,,Gullskórinn var markmiðið fyrir tímabilið en það mikilvægasta var að vinna titilinn.“
,,Eftir 3-0 markið þá hugsaði ég aðeins um markametið og reyndi að skora en það gekk ekki upp. Ég er ánægður, við unnum titilinn.“
,,Við erum besta lið Íslands. Það er ekki mikið annað hægt að segja. Við höfum bætt okkur mikið á tímabilinu.“