Paul Pogba, leikmaður Manchester United, var ekki í leikmannahópi liðsins í kvöld gegn Derby County.
United er óvænt úr leik eftir tap í vítakeppni en United jafnaði metin á 95. mínútu leiksins eftir að Derby hafði komist í 2-1.
Pogba var í stúkunni í kvöld og horfði á liðsfélaga sína spila en fékk nóg eftir annað mark Derby.
Pogba yfirgaf sæti sitt eftir seinna mark Derby á 85. mínútu leiksins og virtist vera kominn með nóg.
Jose Mourinho, stjóri United, staðfesti það eftir leik að hann væri búinn að taka fyrirliðabandið af Pogba.
Pogba hefur verið varafyrirliði United á tímabilinu en Mourinho hefur ekki verið ánægður með hans framlag til liðsins.
Hér má sjá hvernig Pogba brást við eftir annað mark Derby.