Jose Mourinho, stjóri Manchester United, hefur staðfest það að Paul Pogba sé ekki lengur varafyrirliði liðsins.
Mourinho staðfesti það eftir leik við Derby í kvöld en United er nú úr leik í deildarbikarnum.
Samband Mourinho og Pogba er sagt vera í molum en Portúgalinn segir að það séu engin vandamál til staðar.
,,Nei það varð engin breyting á okkar sambandi,“ sagði Mourinho eftir leikinn í kvöld.
,,Sannleikurinn er sá að ég ákvað það að Pogba yrði ekki varafyrirliði lengur, það er ákvörðun sem er tekin af sama aðila og ákvað að hann yrði varafyrirliði, mér.“
,,Það er ekkert sem átti sér stað og það eru engin vandamál. Þetta er ákvörðun sem ég tók og þarf ekki að útskýra.“