Lionel Messi var í gær valinn fimmti besti leikmaður ársins og var Króatinn Luka Modric valinn bestur.
Ernesto Valverde, stjóri Barcelona, er ekki sammála því en að hans mati er Messi besti leikmaður heims.
Messi er af mörgum talinn sá besti í heimi en hann hefur unnið Ballon d’Or verðlaunin fimm sinnum á ferlinum.
,,Allir eru með sína skoðun og ég er auðvitað með mína,“ sagði Valverde við blaðamenn.
,,Ég held að það sé ekki rétt að bera þá saman en að okkar mati er Messi sá besti. „
,,Ég hef ekkert fleira að segja fyrir utan það að Modric er frábær leikmaður sem átti gott ár.“