Troy Deeney, leikmaður Watford á Englandi, segir að hann þoli ekki að spila gegn varnarmanninum Virgil van Dijk.

Van Dijk hefur staðið sig vel hjá Liverpool eftir að hafa komið frá Southampton þar sem hann vakti athygli.

Deeney talar mjög vel um Hollendinginn en þolir ekki að mæta honum á vellinum.

,,Ég hef sagt það margoft. Ég hata hann. Ég þoli ekki að spila gegn honum,“ sagði Deeney við the BBC.

,,Hann er of stór, of sterkur, of fljótur, of góður á boltanum, hann elskar að slást og er með frábært hár.“

,,Hann er einn af þeim sem spreyjar duglega á hárið svo það lyktar yndislega!“