Fanndís Friðriksdóttir og Gunnhildur Yrsa Jónsdóttir hafa samið við Adelaide United í áströlsku úrvalsdeildinni. Fanndís staðfesti þetta við Fótbolta.net í dag.
Valur lánar Fanndísi til Adelaide en Gunnhildur Yrsa kemur til félagsins frá Utah í Bandaríkjunum.
Tímabilið hefst í lok október og er á enda í febrúar. Þá snýr Fanndís aftur til Vals.
Fanndís gekk í raðir Vals í sumar frá Marseille í Frakklandi þar sem hún lék í eitt ár.
„Þetta er mjög spennandi og tækifæri sem býðst ekki alltaf,“ sagði Fanndís við Fótbolta.net í dag.
