Það styttist heldur betur í það að framherjinn, Alfreð Finnbogason hjá Augsburg í Þýskalandi geti spilað.
Alfreð hefur ekkert verið með á þessari leiktíð en hann lék síðast á HM í Rússlandi.
Framherjinn er hins vegar byrjaður að æfa með liðinu en verður þó ekki leikfær í kvöld.
Augsburg mætir þá stórliði, FC Bayern en Alfreð gæti orðið leikfær um helgina.
,,Alfreð verður líklega ekki klár gegn Bayern, hann hefur hafið æfingar með liðinu en nú sjáum við hvernig líkami hann bregst við því,“ sagði Manuel Baum þjálfari Augsburg.
Alfreð missti af síðustu landsleikjum en ætti að geta spilað gegn Frakklandi og Sviss í næsta mánuði.
