Manchester United og Barcelona eiga ekki möguleika á að fá hinn efnilega Nicholas Pepe í janúarglugganum.
Pepe hefur vakið verðskuldaða athygli með Lille í Frakklandi en hann er 23 ára gamall og hefur gert 17 mörk í 41 leik.
Pepe er aðeins 23 ára gamall og getur enn bætt sig mikið en Barcelona og United eru þau lið sem hafa rætt við Lille samkvæmt fjölmiðlum.
,,Það er rétt, það eru nokkur stór lið sem hafa áhuga á honum,“ sagði Cristophe Galtier, stjóri Lille, við blaðamenn.
,,Sum félög höfðu samband við okkur strax eftir lok gluggans til að vita stöðu leikmannsins.“
,,Hann er leikmaður sem við getum ekki selt. Ég veit að forsetinn vill halda honum allt tímabilið og Nicholas vill einnig halda áfram.“
