Thibaut Courtois, markvörður Real Madrid, hefur verið valinn besti markvörður ársins 2018.
Þetta var staðfest á verðlaunaafhendingu FIFA í kvöld en þrír markverðir komu til greina.
Courtois var talinn líklegastur til að vinna verðlaunin frekar en þeir Hugo Lloris, markvörður Tottenham eða Kasper Schmeichel, markvörður Leicester.
Allir markverðirnir stóðu sig mjög vel á HM í sumar en Courtois vann bronsið með Belgum.
Courtois samdi við lið Real Madrid í sumar en hann hafði fyrir það leikið með Chelsea í nokkur ár.