Stuðningsmenn Perú fengu verðlaun frá FIFA í kvöld og voru valdir bestu stuðningsmenn ársins 2018.
Perú spilaði á HM í Rússlandi í sumar en þetta var í fyrsta sinn frá árinu 1982 sem liðið tekur þátt á mótinu.
Margir stuðningsmenn Perú gerðu sér leið til Rússlands og þurftu að gera ansi mikið til að komast þangað.
Mikil fátækt ríkir í Perú og voru sögur um að stuðningsmenn hafi selt bílana sína til að fjármagna ferð til Rússlands eða tóku stórt lán frá bankanum.
FIFA hefur nú verðlaunað þessa stuðningsmenn sem gerðu allt til þess að sjá sitt lið spila á HM.
Perú vann einn leik í riðlakeppni HM gegn Ástralíu 2-0 en tapaði svo gegn Frökkum og Danmörku.