Laurent Koscielny, leikmaður Arsenal, segir að liðið sé með óslípaðan demant í sínum röðum sem þarf að átta sig á hversu góður hann er.
Koscielny ræðir þar hinn 22 ára gamla Alex Iwobi sem hefur þótt ansi óstöðugur í treyju liðsins.
Unai Emery, stjóri Arsenal, hefur mikla trú á Iwobi og mun hann fá sénsa á þessu tímabili.
,,Hann er gríðarlega efnilegur og nú þarf hann að átta sig á hversu góður hann getur orðið,“ sagði Koscielny.
,,Hann er klárlega á réttri leið til að gera það. Hann æfir mjög mikið og hefur verið fullur sjálfstrausts eftir komu Unai Emery.“
,,Hann er sterkur líkamlega, snöggur og býr yfir tæknilegri getu. Hann þarf að vera virkari fyrir framan markið og skora og leggja upp meira.“