Alexis Sanchez, leikmaður Manchester United, hefur verið í erfiðleikum hjá félaginu síðan hann kom frá Arsenal.
Sanchez skrifaði undir samning við United í janúar og er talinn fá 391 þúsund pund í vikulaun.
Sanchez fékk væna launahækkun er hann fór til United en hann hafði gert frábæra hluti með Arsenal.
Samkvæmt Ian Wright, fyrrum leikmanni Arsenal, ætti United að skoða það að selja hann næsta sumar.
,,Ef ég væri viðskiptamaður þá myndi ég sjá hvernig honum gengur þar til í lok tímabils og svo reyna að losa mig við hann. Það er vegna launanna sem hann er á,“ sagði Wright.
Sanchez er 29 ára gamall í dag en hann hefur aðeins skorað þrjú mörk í 23 leikjum fyrir United.