,,Rúnar Kristinsson kveður KR með Evrópusæti,“ sagði Kristján Óli Sigurðsson, sérfræðingur DR. Football, sem er hlaðvarpsþáttur sem Hjörvar Hafliðason heldur út.
Þar segir hann að Rúnar taki við sem yfirmaður knattspyrnumála hjá KSÍ, starf sem Guðni Bergsson ætlar sér að setja af stað.
Þegar Guðni var kjörinn formaður KSÍ fyrir um 18 mánuð þá var þetta hans stærsta loforð. Erfiðlega hefur gengið að koma starfinu af stað.
Vonir standa til um að Guðni komi starfinu í gang á næstu vikum og er Rúnar að taka við því starfi samkvæmt Kristjáni.
,,Hann er að taka við starfinu í Laugardalnum, yfirmaður knattspyrnumála. Heyrðuð það fyrst hér, það er þannig. Ég get ekki gefið upp heimildarmann minn en þær eru ansi áreiðanlegar.“
Umræðuna má heyra hér að neðan.
