Garth Crooks, sérfræðingur BBC, var ekki hrifinn af framherjanum Alexandre Lacazette um helgina.
Lacazette skoraði fallegt mark í 2-0 sigri Arsenal á Everton og fagnaði með því að stíga létt dansspor.
Crooks segir að það sé í fínu lagi að fagna mörkum en gagnrýnir Lacazette fyrir þessi ‘diskó dansspor’ sem hann bauð upp á.
,,Í lokin þá var eitt mark nóg til að vinna gegn Everton og þegar þú skorar svona fallegt mark þá máttu fagna því,“ sagði Crooks.
,,Það sem ég skil ekki er af hverju hann eyðileggur það með þessum diskó dansi sem fylgdi á eftir.“
,,Af hverju ertu að eyðileggja fallegt mark með svona hrollvekjandi dansi? Hvað er að því að kýla í loftið eða hlaupa að stuðningsmönnum?“