Það er áhugavert að skoða viðureignir liða í ensku úrvalsdeildinni en mörg lið hafa oft mæst síðan deildin var stofnuð.
Það má til að mynda alltaf búast við mörkum þegar lið Arsenal og Everton eigast við.
Þessi viðureign fór fram í dag en Arsenal hafði að lokum betur með tveimur mörkum gegn engu.
Samkvæmt tölfræðinni er það sú viðureign sem er mest skorað í eða 153 mörk talsins frá stofnun deildarinnar.
Þá er verið að tala um síðan úrvalsdeildin sjálf var stofnuð en hún hóf göngu sína árið 1992.
Liðin áttust við tvisvar á síðustu leiktíð og vann Arsenal báða leikina, 5-1 og 5-2.