Santi Cazorla, fyrrum leikmaður Arsenal, hefur útskýrt hvað var að hjá félaginu undir stjórn Arsene Wenger síðustu ár.
Wenger var við stjórnvölin hjá Arsenal í heil 22 ár en það eru mörg ár síðan liðið vann úrvalsdeildina.
Cazorla segir að leikmenn liðsins hafi í raun aldrei trúað því að það væri möguleiki að vinna stærsta titilinn.
,,Við þurftum að hafa meiri trú á okkur og því sem við vorum að gera,“ sagði Cazorla við the BBC.
,,Við þurftum að trúa því að við gætum keppt við stærstu lið deildarinnar en ekki sætta okkur við þriðja eða fjórða sætið.“
Cazorla hefur sjálfur yfirgefið Arsenal en hann samdi við Villarreal á frjálsri sölu í sumar.