Pierre-Emerick Aubameyang er búinn að koma Arsenal í 2-0 gegn Everton en liðin eigast við á Emirates.
Alexandre Lacazette kom Arsenal yfir í síðari hálfleik en hann átti frábært skot innan teigs sem fór í stöng og inn.
Aubameyang skoraði svo annað mark Arsenal stuttu síðar eftir skyndisókn en markið átti aldrei að standa.
,,Hvað er aðstoðardómarinn að hugsa?“ sagði Lee Dixon, fyrrum leikmaður Arsenal sem sér um að lýsa leiknum.
Mesut Özil átti sendingu fyrir sem fór á Aaron Ramsey sem tókst að pota boltanum til Aubameyang sem skoraði.
Eins og má sjá hér fyrir neðan var framherjinn kolrangstæður og átti markið ekki að standa.
