HB í Færeyjum varð deildarmeistari í dag eftir 2-1 sigur á Klaksvik í 23. umferð deildarinnar.
Heimir Guðjónsson er þjálfari HB en liðið hefur verið nánast óstöðvandi undir hans stjórn á tímabilinu.
Heimir tók við liðinu fyrir leiktíðina og er HB á toppnum með 61 stig. Næsta lið er Klaksvik með 45 stig.
HB hefur aðeins tapað tveimur leikjum á leiktíðinni en það eru enn fjórir leikir eftir í deildinni.
Með HB leika einnig þeir Brynjar Hlöðversson og Grétar Snær Gunnarsson. Þetta er fyrsti deildarmeistaratitill HB í fimm ár.
Það er ljóst að Heimir verður áfram með liðið á næstu leiktíð en hann skrifaði á dögunum undir nýjan samning.