Mateo Kovacic, leikmaður Chelsea á Englandi, viðurkennir það að hann sé opinn fyrir því að spila áfram á Englandi.
Kovacic kom til Chelsea í sumar en hann gerði eins árs langan lánssamning við enska félagið.
Króatinn er samningsbundinn Real Madrid og er óvíst hvort félagið hleypi honum endanlega til Englands.
,,Það er of snemmt að segja til og ég verð að virða samninginn minn hjá Real en eins og staðan er þá er ég ánægður hjá Chelsea,“ sagði Kovacic.
,,Borgin er mögnuð, stuðningsmennirnir frábærir sem og völlurinn. Það er allt gott hérna og ég gæti séð sjálfan mig vera hér áfram.“