Kyle Walker, leikmaður Manchester City, er vonsvikinn með fyrrum stjóra sinn hjá Tottenham, Mauricio Pochettino.
Pochettino skrifaði um Walker í bók sem hann gaf nýlega út og segir hann hafa sýnt leikmönnum liðsins óvirðingu með því að yfirgefa félagið á síðasta ári.
Walker var keyptur til City fyrir 45 milljónir punda en Walker segir að hann hafi ekki verið í plönum Argentínumannsins.
,,Hann sagði við mig að ég væri ekki partur af hans plönum,“ sagði Walker í samtali við the Daily Mail.
,,Það særði mig mikið. Hann sagði mér að dyrnar væru alltaf opnar og ég hélt að þetta samtal væri bara okkar á milli.“
,,Ég ákvað því að halda þessu fyrir mig en svo ákvað hann að skrifa um málið eða frá hans sjónarhorni.“
,,Ef hann ætlar að gera það þá hefði hann alveg eins getað haldið blaðamannafund og sagt öllum. Hann sagði eina hlið málsins en það er saga sem ég tek ekki undir.“
,,Hann sagði að það hafi verið vitni á fundinum en hann sagði ekki sannleikann. Þar til núna hef ég aldrei tjáð mig um málið.“
,,Ég hef ekkert sagt og hef sýnt Tottenham virðingu og það mun ég alltaf gera.“