Brynjar Skúlason er hættur sem þjálfari Hugins en þetta staðfesti hann í dag eftir leik við Gróttu.

Huginn hefur verið í umræðunni undanfarið eftir að hafa mætt á rangan völl er liðið átti að spila gegn Aftureldingu í endurteknum leik.

Sumarið var annars virkilega slæmt á Seyðisfirði en liðið situr í neðsta sæti 2.deildarinnar með aðeins sex stig.

Brynjar staðfesti það í samtali við Fótbolta.net eftir leikinn í dag að hann væri hættur.

,,Við vorum allt í lagi í fyrri hálfleik, skoruðum eitt mark sem var dæmt af en þetta hrundi í seinni hálfleik, bara lélegt eins og sumarið er búið að vera,“ sagði Brynjar í samtali við Fótbolta.net

,,Nei ég verð ekki áfram með liðið, ég er hættur,“ bætti Brynjar við að lokum.