Nigel Reo-Coker, fyrrum leikmaður Aston Villa og West Ham, er ekki hrifinn af hvernig ungir leikmenn haga sér í dag.

Reo-Coker ræddi við the BBC um tíma sinn hjá MK Dons en hann stoppaði stutt hjá félaginu á þessu ári.

Þar tók Reo-Coker eftir því að ungir leikmenn væru alltaf í símanum eftir æfingar og telur að samskiptamiðlar séu að gera leikmenn í dag heimskari.

,,Ég hef séð breytingarnar á þessari ungu kynslóð. Ég kláraði æfingu og allir ungu leikmennirnir voru allir í símanum,“ sagði Reo-Coker.

,,Ég sagði við þá að þeir væru með meiri persónuleika á samskiptamiðlum en í búningsklefanum eða á vellinum.“

,,Þetta eru frábærir íþróttamenn en þeir eru ekki þeir gáfuðustu eða bestu fótboltamennirnir.“