Mateo Kovacic, leikmaður Chelsea á Englandi, hefur viðurkennt það að hann horfi reglulega á fyrrum miðjumann Manchester United, Paul Scholes.
Scholes var frábær miðjumaður á sínum tíma og vann ófáa titla með Rauðu Djöflunum.
Kovacic er að spila sitt fyrsta tímabil á Englandi en hann kom til Chelsea frá Real Madrid á láni í sumar.
,,Allir leikmenn þurfa að vera þeir sjálfir en að mínu mati er Scholes einn sá besti frá upphafi,“ sagði Kovatic.
,,Hann var magnaður. Ég nýt þess ennþá að horfa á myndbönd af honum á YouTube.“
,,Stundum fer ég heim og horfi á hann til að læra eitthvað nýtt. Hann var með allt í sínum leik. Hann var nútímamiðjumaður, hann skoraði mörk, varðist vel og tæklaði vel.“