Paul Pogba, leikmaður Manchester United, hefur verið orðaður við brottför undanfarna mánuði.

Óvíst er hvort Pogba sé sáttur hjá United en samband hans við Jose Mourinho er sagt vera slæmt.

Í dag er greint frá því að Barcelona sé enn áhugasamt um að fá Pogba þrátt fyrir að hafa mistekist að tryggja sér hann í sumar.

Samkvæmt nýjustu fregnum er sagt að Barcelona ætli að fylgjast með Pogba í hverjum einasta leik á tímabilinu.

Spænska liðið er tilbúið að borga 100 milljónir punda fyrir Frakkann sem gæti farið næsta sumar.

Pogba hefur verið gagnrýndur fyrir frammistöðu sína hjá United eftir að hafa komið frá Juventus árið 2016.