Theo Walcott, leikmaður Everton, býst við að upplifa betri hluti hjá félaginu en hann gerði hjá Arsenal.
Walcott átti ekki alltaf fast sæti í liði Arsenal en hann var hjá félaginu í 12 ár sem er dágóður tími.
Þessi 29 ára gamli leikmaður hefur staðið sig með prýði á Goodison Park og er spenntur fyrir komandi tímum.
,,Ég var ekki að njóta mín, ef ég á að vera hreinskilinn. Ég var pirraður og var ekki að spila,“ sagði Walcott um tíma sinn hjá Arsenal.
,,Ég spilaði ekki marga leiki. Ég var þarna í svo langan tíma og gerði mjög vel svo þetta er sárt en ég hugsa ekki um það lengur.“
,,Ég upplifði frábæra tíma þarna en ég held að ég muni upplifa betri tíma hérna, ég held það í alvöru.“