Eden Hazard, leikmaður Chelsea, er í svipuðum klassa og Lionel Messi, leikmaður Barcelona á Spáni.

Þetta segir Pedro, liðsfélagi Hazard hjá Chelsea en hann hefur spilað með bæði Belganum og Messi.

Hazard hefur byrjað tímabilið mjög vel á Englandi og er Pedro ánægður með sinn mann.

,,Það er augljóst að Eden er einn af þremur eða fjórum bestu leikmönnum heims eins og Leo, Cristiano Ronaldo og Neymar,“ sagði Pedro.

,,Eden spilar vel á hverju ári og kannski eftir nokkur ár getur hann unnið Gullboltann eða eitthvað annað því hann er frábær leikmaður.“

,,Hann er stórstjarna. Það er gott fyrir okkur að Eden sé í góðu formi og spili með sjálfstraust. Hann tapar ekki boltanum, fer vel með hann og er að skora mörk.“

,,Það hjálpar liðinu mikið og þegar hann spilar svona þá er mjög erfitt að stöðva hann.“