Manchester United verður án fjögurra lykilmanna þegar Wolves heimsækir Old Trafford um helgina.

Marcus Rashford og Nemanja Matic taka út leikbann en United er með níu stig eftir fimm leiki.

Þá eru Ander Herrera og Marcos Rojo báðir áfram vegna meiðsla. Phil Jones hefur náð heilsu og gæti spilað.

Diogo Dalot bakvörður Manchester United sem átti góða frumraun í vikunni verður ekki með um helgina.

,,Ég vil að hann komist inn í hlutina ferskur, hann spilar ekki á morgun en hann spilar á þriðjudag gegn Derby,“ sagði Jose Mourinho.

,,Að spila fyrir Manchester United er nógu erfitt fyrir 19 ára dreng, hann var að koma úr öðru landi og var lengi meiddur. Hann lék 90 mínútur á erfiðum velli í Meistaradeildinni á miðvikudag og verður svo klár á þriðjudaginn.“