Gary Cahill, leikmaður Chelsea, hefur staðfest það að hann ætli ekki að sætta sig við bekkjarsetu mikið lengur.

Cahill var fyrirliði Chelsea á síðustu leiktíð en hann hefur ekki spilað eina mínútu á leiktíðinni undir stjórn Maurizio Sarri.

Cahill verður samningslaus næsta sumar og er útlit fyrir að hann fari annað í janúar.

,,Ég verð að sjá um mína eigin framtíð. Það væri mjög erfitt að gera þetta allt tímabilið,“ sagði Cahill.

,,Stundum bíður fótboltinn ekki eftir fólki. Stundum þarftu að taka ákvörðun og halda áfram.“

,,Augljóslega er félagið það mikilvægasta en ég verð að skoða mína stöðu.“

,,Ef ég verð í sömu stöðu og ég er í þessa stundina þá vona ég að félagið virði mína ákvörðun þegar kemur að því.“