Cristiano Ronaldo, leikmaður Juventus, fékk beint rautt spjald í 2-0 sigri liðsins á Valencia í gær.
Ronaldo virtist rífa aðeins í hárið á varnarmanninum Jeison Murillo og fékk í kjölfarið rautt í fyrri hálfleik.
Ronaldo grét mikið þegar hann gekk af velli en ef bannið stendur, þá missir kappinn af tveimur leikjum gegn Manchester United.
Hjá United varð Ronaldo að einum fremsta knattspyrnumanni í heimi og því verður erfitt fyrir hann að missa af þeim leikjum.
,,Það er erfitt að sjá fyrir hvað dómarinn rekur hann af velli, ég held að Ronaldo og Juventus muni áfrýja þessu,“ sagði Ferdinand.
,,Ég held að tárin sem þú sérð koma, ég held að hann sé að hugsa um endurkomu sína á Old Trafford. Hann missir af þeim leik ef bannið stendur, honum langar bara að spila fótbolta.“
Hér að neðan má sjá hvað Ronaldo gerði til þess að fá rautt spjald.
