Alvaro Morata, leikmaður Chelsea á Englandi, var í byrjunarliði liðsins í kvöld er liðið mætti PAOK í Evrópudeildinni.
Það hefur gengið erfiðlega hjá Morata að skora á árinu en hann hefur aðeins gert þrjú mörk árið 2018.
Maurizio Sarri, stjóri Chelsea, hefur áhyggjur af sínum manni sem náði ekki að skora í kvöld þrátt fyrir tækifærin.
,,Alvaro þarf að fá sjálfstraust með að skora eitt, tvö eða þrjú mörk. Ég get ekki gefið honum sjálfstraust,“ sagði Sarri.
,,Hann fékk þrjú eða fjögur tækifæri í þessum leik og var óheppnn. Ég vona að ég geti hjálpað honum í framtíðinni en sjálfstraustið kemur með mörkum.“