Pierre-Emerick Aubameyang, leikmaður Arsenal, mun starfa með pabba sínum á næstu mánuðum.
Þetta var staðfest í dag en Francois Aubameyang, faðir framherjans, hefur verið ráðinn landsliðsþjálfari Gabon.
Aubameyang eldri mun taka við keflinu ásamt Daniel Cousin sem er fyrrum leikmaður Rangers og Hull.
Aubameyang yngri gerir það gott með Arsenal á Englandi í dag eftir dvöl hjá Borussia Dortmund.
Hann er að sjálfsögðu fastamaður í landsliðinu og er einnig markahæstur í sögunni með 24 mörk.
Gabon situr í 87. sæti á styrkleikalista FIFA en komst í 30. sæti árið 2009.